పుట:2015.370800.Shatakasanputamu.pdf/558

వికీసోర్స్ నుండి
ఈ పుట అచ్చుదిద్దబడ్డది

శ్రీరామరాఘవశతకము

607


ష్కరుల హరించి బాహుబలశౌర్యసముజ్జ్వలదుగ్రశక్తివి
స్ఫురణ వహించి సజ్జనులఁ బ్రోతువు నీ విఁక రామ...

33


చ.

పరమదయాంబురాశి నినుఁ బల్మఱు మామకమానసంబునన్
నిరతము సన్నుతించెదను నిత్యము న న్గృప జూచి ప్రోవు మీ
శరణని వేఁడితి న్విమలసారసనాభ సురేంద్రసేవితా
తరణిశశాంకలోచన శతారధరస్తుత రామ...

34


ఉ.

సూరిజనాళిపాల! మణిశోభితకుండలకాంతిజాల! య
క్రూరమనోనుకూల! శరకుందసితాజ్జయశోవిశాల! బృం
దారకహృద్విలోల! విబుధద్విషదీశవిఫాల! పాపసం
చారవిపక్షకాల! మురసాళ్వఘనినాలరామ...

35


ఉ.

తల్లివి తండ్రి వీవ! పరతత్త్వము నీవ! సఖుండ వీవ! నా
తొల్లిగురుండ వీవ! హతదోషుఁడ వీవ! పరుండ వీవ! సం
ఫుల్లసరోజనేత్ర! పరిపూర్ణ దయాంబుధి వీవ! మేదినీ
వల్లభదైవ మీవ! యపవర్గశుభప్రదరామ...

36


ఉ.

పూరిశరంబుగా విడువ భూరిభయంబున మూఁడులోకముల్
చేరి చరింప రక్షకుఁడు చిక్కకయున్నఁ గలంగి త్రాతగాఁ
గోరిన కాక దానవునికోర్కు లొసంగితివయ్య నీదు దు
ర్వారమహత్త్వ మెన్నఁగ సురాళి కశక్యము రామ...

37