పుట:2015.370800.Shatakasanputamu.pdf/527

వికీసోర్స్ నుండి
ఈ పుట అచ్చుదిద్దబడ్డది

576

భక్తిరసశతకసంపుటము


రామనామామృతరసము ద్రావేకదా
                      యపవర్గమందె ఖట్వాంగుఁ డిలను
రామనామామృతరసము ద్రావేకదా
                      యొప్పుగా మోక్షంబు నొందె శబరి


గీ.

రామనామామృతంబును రక్తిఁ గ్రోల
ముక్తిమార్గంబు గలుగును మూఢులకును
రామనామామృతంబున రసికుఁడగును...

77


సీ.

పంకజాక్షునిపూజ పలుమాఱు చేయక
                      పరుల నిందించుట పాటియగునె
విష్ణుసంకీర్తన ల్వీనుల వినకను
                      బరుల మెచ్చుట నీకుఁ బ్రాతియగునె
శేషశయను చాల చెలఁగి కీర్తింపక
                      పరుల కీర్తించుట భవ్యమగునె
నారాయణస్మృతి నమ్మిక యుండక
                      పరదేవతల గొల్వఁ బాటియగునె


సీ.

శ్రీరమానాథుఁ డెప్పుడు జిహ్వయందు
పుణ్యపరు లైననరు లెన్నఁ బొందుమీఱ
తలఁచువారికి మోక్షంబు తథ్య మరయ...

78


సీ.

సాకేతపురిరామ శరణు జొచ్చితి నీకు
                      రక్షింపవే నన్ను రామచంద్ర
దయతోడ బ్రోవవే దశరథాత్మజ నన్ను
                      కరుణతోఁ బ్రోవవే కమలనయన