పుట:2015.370800.Shatakasanputamu.pdf/513

వికీసోర్స్ నుండి
ఈ పుట అచ్చుదిద్దబడ్డది

560

భక్తిరసశతకసంపుటము


వేదశాస్త్రంబులు వెదకిచూచినగాని
                      సరిరావు మీనామసంస్మరణకు


గీ.

నెంచఁగా నిన్ను వశమె బ్రహ్మేంద్రులకును
బుధజనస్తోత్ర సద్గుణపుణ్యచరిత
అఖిలసురవంద్య దివ్యపాదారవింద...

45


సీ.

అల్పులమాటల కాసపడఁగ నేమి
                      ఫలము బూరుగజూచి శ్రమసినట్లు
నీచులమాటలు నిశ్చయింపఁగనేల
                      నీరుగట్టినమూట నిలిచినట్లు
గుణవిహీనునిమాట గుఱి సేయఁగా నేల
                      గొడ్డుగోవులపాలు గోరినట్లు
కపటఘాతకుమాట కాంక్ష సేయఁగ నేల
                      కలలోను మేలు దాఁ గన్నయట్లు


గీ.

పామరునిమాట నెంతైన పాటి జేసి
అడుగఁగోరెడివారిదే యల్పబుద్ధి
నీతిమంతుల కివి యెల్ల నిశ్చయములు...

46


సీ.

శ్రీరామనామంబు చిత్తాబ్జమున నిల్పి
                      ఫాలలోచనుఁ డిల బ్రణుతి కెక్కె
గాకుత్స్థతిలకుని కరుణారసంబునఁ
                      గల్పాంతరస్థితి కపివహించె
ఖరవైరిపదరేణుకణములు సోకినఁ
                      గలుషము ల్బాసెను గాంత కిపుడు