పుట:2015.370800.Shatakasanputamu.pdf/512

వికీసోర్స్ నుండి
ఈ పుట అచ్చుదిద్దబడ్డది

శ్రీరామతారకశతకము

559


అనుదినంబును నరుఁ డాసక్తుఁడైనట్టి
                      పుత్రమిత్రాదులే పుణ్యమనుచుఁ


గీ.

బరుల యాచించి పీడించి పాపమొంది
పుట్టు నీరీతి కాలంబు పృథివిలోన
నిన్ను చింతింపఁ జేకూరు నీపదంబు...

43


సీ.

రామరామాయని రంజిల్ల నావంతు
                      నిజముగా రక్షింప నీదువంతు
అపరాధి నని పల్కి యాచింప నావంతు
                      నిజముగా రక్షింప నీదువంతు
నీపాదపద్మంబు నెఱనమ్మ నావంతు
                      నిజముగా రక్షింప నీదువంతు
ఒరుల సేవింపక యోర్చుట నావంతు
                      నిజముగా రక్షింప నీదువంతు


గీ.

నేను పంతంబు దప్పక నిన్ను గొలుతు
నీవు పంతంబు దప్పక నిర్వహించు
పంత మిది నీకు నాకును పరమపురుష...

44


సీ.

గోవుమందల కోటిగోదాన మొసఁగిన
                      సరిరావు మీనామసంస్మరణకు
కాశీప్రయాగయు గంగాదితీర్థముల్
                      సరిరావు మీనామసంస్మరణకు
బహుయజ్ఞములు చేసి ప్రస్తుతి కెక్కిన
                      సరిరావు మీనామసంస్మరణకు