పుట:2015.370800.Shatakasanputamu.pdf/499

వికీసోర్స్ నుండి
ఈ పుట అచ్చుదిద్దబడ్డది

546

భక్తిరసశతకసంపుటము


బెక్కుయాగంబులు ప్రేమతో జేసిన
                      నితరధర్మంబులు నెన్నియైనఁ


గీ.

దుల్యమగునట్టి మీనామతుల్యమునకు
హస్తిమశకాంతరము సాటి యవును గాక
యింతఫలమని వర్ణింప యెవ్వఁ డోపు...

18


సీ.

నాపాలిదైవమ నామనంబున నిన్నుఁ
                      దలఁచి సేవించెద తండ్రి వనుచు
నామూలధనమని నమ్మి యుప్పొంగుచు
                      దండ మర్పించెద దాతవనుచు
నాతోడు నీవని నవ్వుచుఁ జేరుచు
                      రంజిల్లుచుండెద రాజవనుచు
నాకును గురుఁడవై నాతప్పు లెన్నక
                      కాచి రక్షింపఁగఁ గర్త వనుచుఁ


గీ.

బెంచి పోషించు కాపాడు పెద్ద వనుచుఁ
బుత్రుపై ప్రేమ తండ్రికి బుట్టినట్లు
కృపకు పాత్రునిగాఁ జేసికొనుము దేవ...

19


సీ.

బహుజన్మముల నెత్తి బాధనొందఁగ నేల
                      పరమపురుషుని గొల్చి బ్రతుకవలయు
శేషవాసనచేతఁ జిక్కి వగవఁగ నేల
                      శ్రీనివాసునిపూజ సేయవలయు
విషయభోగంబుల విఱ్ఱవీఁగఁగ నేల
                      విష్ణుచరిత్రంబు వినఁగవలయు