| ఉ. |
మంగళమౌను రామునకు మంగళమౌ ననుఁగన్నతల్లికిన్
మంగళమౌను లక్ష్మికిని మంగళమౌ మముఁగన్న సీతకున్
మంగళమౌను జానకికి మంగళమౌ నను బాయకుండుమీ
మంగళమౌను నిద్దఱికి మమ్మును గావు ప్రసన్న...
| 197
|
| ఉ. |
ఛందము లక్షణం బెఱుఁగఁ జక్కఁగ ధైర్యముతోడఁ జెప్పితిన్
తొందర లేదు తప్పు లనితోచినఁగాని రఘూత్తమాది మీ
యందఱిపాదభక్తుఁడను లక్ష్మణపుత్రుఁడ నారసింహుడన్
వందన మాకవీంద్రులకు వారిజనాభ ప్రసన్న...
| 198
|
| ఉ. |
రాజులమేటిరాజు రఘురాజమహాత్మకు రాజమాన్యుఁడై
రాజితకీర్తిశాలి యగురాముఁడు రాజ్యపుప్రేమయుక్తుఁడై
యీజగ మేలురాజులకు నిష్టజనంబులు నింపొనర్చె మా
భూజనభక్తరక్షుఁడయి భూతిఁదలంచె ప్రసన్నరాఘవా.
| 199
|
ప్రసన్నరాఘవశతకము సంపూర్ణము.
