పుట:2015.370800.Shatakasanputamu.pdf/465

వికీసోర్స్ నుండి
ఈ పుట అచ్చుదిద్దబడ్డది

512

భక్తిరసశతకసంపుటము


వాలినిఁ బిల్వ రోషపడి వచ్చియు యుద్ధము చేయునప్పుడున్
వాలినిఁ గూల్చి సూర్యసుతు వైరము దీర్చె ప్రసన్న...

109


ఉ.

వాలిని జూచి తారయును వారక మాటికి మోదుకొంచుఁ దా
వాలి ప్రతాపశాలియని వర్ణన సేయుచు నెట్లు తాళుదున్
జాలఁగఁ బ్రేమఁ జూచి నను సారెకుసారెకు గారవించి నీ
బాలునిఁ జూడు మంగదుని భద్రుని నంచు ప్రసన్న...

110


ఉ.

రామునియాజ్ఞచేత కపిరాజ్యము నారవిపుత్రు కిచ్చినన్
ప్రేమను తారఁ గూడి యతిప్రీతి యొనర్చుచునుండి వేడుకన్
వేమఱు వానకాలమును వెళ్లగ రాముఁడు పిల్వఁబంపినన్
భూమిని నున్నవానరులు బోరున మ్రోయ ప్రసన్న...

111


ఉ.

వానరకోటి గొల్వఁగను వచ్చె దివాకరపుత్రుఁ డప్పుడున్
వానరులందఱం గనియు వారిజనాభుఁడు సీతఁ జూడఁగా
నానయుఁ జేసే సీత గని యచ్చటివార్తలఁ దెల్ప నంగదుం
బూనెను మారుతాత్మజుఁడు నుంగ్రముఁ బట్టి ప్రసన్న...

112


చ.

పడమర తూర్పు నుత్తరము బంపఁగఁబోయిరి వానరాధిపుల్
వడి తన చేతిముద్రికయు వాయుతనూజునిచేతి కిచ్చినన్