పుట:2015.370800.Shatakasanputamu.pdf/459

వికీసోర్స్ నుండి
ఈ పుట అచ్చుదిద్దబడ్డది

506

భక్తిరసశతకసంపుటము


మచ్చటఁ జేరి రాత్రి సుఖమందియు వేడుక దర్లి లేచియున్
ముచ్చట లాడుచు న్నడువ ముందర జూచియుఁ జిత్రకూటము
న్నచ్చట పర్ణశాల నొకఁ డప్పుడు గట్టి ప్రసన్న...

85


చ.

భరతుని వేగరమ్మనుచుఁ బంపిరి లేఖలు వ్రాసి వేగమున్
వరుసను దమ్ముఁడు న్గొలువ వచ్చుటఁ జూచి అయోధ్యపట్నమున్
సిరి తొలఁగింది యేమొ యని చింతిలుచుండిన నాడకాడకున్
గుఱుతులు చెప్పఁగాను విని గొబ్బున వచ్చె ప్రసన్న ...

86


ఉ.

తల్లిని జూడ రోసి తమతండ్రికి నగ్నిమఖంబుఁ జేసియున్
సల్లలితంబులైన నృపసాధ్వులకాంతులు మాయఁజూచియున్
మెల్లఁగ రాముఁ దెత్తుమని మిక్కిలిప్రేమను మంత్రివర్గమున్
వెళ్లిరి రామమార్గమున వేడుకనంత ప్రసన్న...

87


ఉ.

వచ్చినమూకఁ జూచి గుహుఁ డోడయు వేయకయున్న నాతనిన్
సచ్చరితుండునౌ భరతసాధుఁడు సంగమమైత్రిఁ జూపియున్
వచ్చె భరద్వజుం గనియు వార్తలనెల్ల నెఱింగి యంతటన్
వచ్చిరి చిత్రకూటముకు వారిని జూచి ప్రసన్న...

88


చ.

భరతుఁడు రాముపాదములఁ బట్టుక యేడ్చియుఁ గన్నతండ్రియున్