పుట:2015.370800.Shatakasanputamu.pdf/455

వికీసోర్స్ నుండి
ఈ పుట అచ్చుదిద్దబడ్డది

502

భక్తిరసశతకసంపుటము


ఉ.

పట్టణమందు నున్నపరివారము లందఱుఁ దోడ్కొనంగ దాఁ
బట్టముఁ జొచ్చి రాఘవులు భార్యలు గూడను రాఁగ రాఘవు
ల్పట్టముఁ జూచుచుం జనకు పట్టియుఁ దాను రథంబు నెక్కి రాఁ
బట్టణవాసు లంగనలు పాటలు బాడ ప్రసన్న...

69


ఉ.

వీథులు తోరణంబులును విప్రజనంబులు వేదమంత్రముల్
వీథు లలంకరించి తగ వేడుకలన్నియుఁ జేయుచున్న యా
వీథుల వారకన్యకలు వేడుక నాడిరి పాడి రంత నా
వీథుల నన్నిఁ జూచుచును వేడ్కను వచ్చెఁ బ్రసన్న...

70


ఉ.

మేళములున్ మృదంగములు మిక్కుటమైనటువంటి బూరగల్
తాళము తప్పెటల్ మిగుల తద్ధిమిలాడెడు వారకాంతలున్
వీళవిచిత్రనాట్యములు వింతవినోదపుటాటపాటలున్
గేళికలాడుచున్ మిగులఁ గేళులఁ గూడెఁ బ్రసన్న...

71


ఉ.

ద్వారమునందు రాముఁడును [1]సీతయు తేరును డిగ్గి రెంతయున్
ధీరులు తమ్ములందఱును దేరులనుండి దిగంగఁ జూచియున్
వారును వారిభార్యలును వచ్చిరి మంత్రి పురోహితావళుల్
గూరిమి గొల్వఁగా నృపుడు కోర్కుల మీఱఁ బ్రసన్న...

72
  1. ధాత్రిజ