పుట:2015.370800.Shatakasanputamu.pdf/45

వికీసోర్స్ నుండి
ఈ పుట అచ్చుదిద్దబడ్డది

సీ. నెపమునఁ బ్రాణంబు నీయందుఁ బ్రిదిలిన
                     యప్పుడె మృతినొందఁ డయ్యెడేని
     కలనైన నిలిచిన నిలుకడ చలియింప
                     నప్పుడ రూపకుం డయ్యెనేని
     యించుకంతయు మతి నితరభావము సోఁక
                     నప్పుడు కని వ్రాలఁ డయ్యెనేని
     అణుమాత్ర మైన లింగానర్పితము సోఁక
                     నచ్చోటఁ దెగఁజూడఁ డయ్యెనేని
ఆ. భక్తిమాట లాడ ఫలమేమి వెండియు
     మజ్జనంబు చేయ లజ్జగాదె
     యట్లుగాన నీ మహాప్రసాదానూన
     సిద్ధి కేవలంబె చెన్నమల్లు.9
సీ. లింగ నీభక్తులలీల వీక్షింపుచో
                     నొడలెల్ల కన్నులై యుండెనేని
     దేవ నీభక్తులఁ దివిరి కీర్తించుచో
                     నొడలెల్ల జిహ్వలై యుండెనేని
     జియ్య నీభక్తాంఘ్రిసేవ యొనర్చుచో
                     నొడలెల్ల చేతులై యుండెనేని
     అయ్య నీభక్తమహాత్మ్య మాలించుచో
                     నొడలెల్ల వీనులై యుండెనేని
ఆ. స్వామి భవదీయభక్తి ప్రసాదముక్తి
     యుక్తి కొడలెల్ల నోళ్లునై యుండెనేని