పుట:2015.370800.Shatakasanputamu.pdf/449

వికీసోర్స్ నుండి
ఈ పుట అచ్చుదిద్దబడ్డది

496

భక్తిరసశతకసంపుటము


ఉ.

రాక్షసబాధ లేక యల రాముకటాక్షముచేత యాగమున్
రక్షణగా నొనర్పఁబడె రాముని కిచ్చె సదస్త్రపంక్తిఁ దా
రాక్షసులన్ జయింపుమని రాజితకీర్తి మునీశ్వరుండు ప్ర
త్యక్షములైరి యస్త్రముననౌ సురలెల్ల ప్రసన్న...

45


చ.

మిథిలకు నేలికైన యల మేటిప్రతిజ్ఞలఁ జేసియుండినన్
బృథివిని బ్రోచురామునకుఁ బెంపుగ నెట్లయినన్ స్వకన్యకన్
విధిగ నొసంగ నెంచికొనె వేయివిధంబుల విఘ్న మొచ్చినన్
మధుహరుభక్తిచేత నిఁకమాఱునె బుద్ధి ప్రసన్న...

46


ఉ.

వేగమె రామలక్ష్మణులు వెంటను గొల్వఁగ నమ్మునీంద్రుఁడున్
రాఁగనె రాజుఁ దోడుకొని రమ్యము రాజ్యము పూజ్యమాయటం
చాగతిఁ బల్కి మ్రొక్కి యలయర్థము కావలెనంచుఁ బల్కి సం
యోగము చేయమంచనె [1]జనావళిలోనఁ బ్రసన్న...

47


చ.

దశరథరాజపుత్రులును ధర్మపరు ల్హరిధీరశౌర్యులున్
విశదము నీకుఁ దెల్పెదను విల్లుప్రభావము నీప్రతిజ్ఞయున్
దశదిశలందుఁ జెప్పఁగను దామును జూచెదమందు వచ్చి రీ
విశదసుకీర్తివంతులనె విశ్వము మెచ్చ ప్రసన్న...

48
  1. జనౌఘములోన