పుట:2015.370800.Shatakasanputamu.pdf/444

వికీసోర్స్ నుండి
ఈ పుట అచ్చుదిద్దబడ్డది

ప్రసన్నరాఘవశతకము

491


బ్రీతి మెలంగి యాకులుకు బిడ్డలకు న్నిఁకఁ బెండ్లి కావలెన్
ఖ్యాతిగ నొక్కనిర్ణయము కట్టడఁ జేతునటంచుఁ బెద్దలన్
బ్రీతినిఁ బిల్వఁబంచి వినిపింతునటంచుఁ బ్రసన్న...

24


ఉ.

మూఁడుపురంబుల న్గెలిచి మూర్ఖులనందఱి సంహరించి యా
నాఁడు హరుండు దా విలును నాపురిలోపల వేసె నద్ది యీ
నాఁడు తొడంగఁపోలునరనాథున కిచ్చెద నాదుబిడ్డ నే
నాడినమాట తప్ప నిఁక నమ్ముఁ డనంగ ప్రసన్న...

25


ఉ.

రామునిరూపురేఖయును రాజసమున్నతి ప్రీతిభక్తియున్
రామునికీర్తిశౌర్యమును రాజగుణంబుల నన్ని చూచియున్
రామ గుణాభిరామ రఘురామునికే తగు నంచు నాత్మలో
రామునిఁ జూడ తండ్రిమది రంజిలుచుండెఁ బ్రసన్న...

26


ఉ.

దేహము కోటిసూర్యకళదీప్తియుఁ జూచి మహాద్భుతంబుగా
సాహస మెంచిచూచినను సాధ్యుఁడు కాఁడు సురారికేనియున్
బాహుబలుండు నేండ్లకును బాలుఁడు భక్తులపారిజాతమున్
శ్రీహరి నాకుమారుఁడని చెప్పఁగ నేల ప్రసన్న...

27


ఉ.

తమ్ములయందుఁ బ్రేమయును తథ్యముగాఁ దనయందు భక్తియున్
తమ్ములు దాను నొక్కటిగఁ దాల్చిరి రూపును నల్గురై తగన్