వంగూరి ముద్దునరసకవిప్రణీత
ప్రసన్నరాఘవశతకము
| ఉ. |
శ్రీహరి జానకీరమణ శ్రీరఘునాయక మీమహత్త్వమున్
బాహుబలంబు శౌర్యమును భానుకులంబునఁ బుట్టురీతియుం
బోహణఁ జేసి రాముకథ పూర్వులు చెప్పఁగ విన్నయంత నా
దాహము తీఱె సూక్ష్మముగఁ దల్చెద నేను ప్రసన్నరాఘవా.
| 1
|
| ఉ. |
మానవజన్మ మెత్తి బహుమాయలతోఁ బచరిందు మాటకే
కానల కేఁగి జానకిని గానక తంత్రముఁ బన్ని ప్రాపుగా
వానరసేనఁ గూర్చుకొని వాలిని జంపి పయోధి దాఁటియుం
దానవులందఱం దునిమి ధన్యుఁడ వైతి ప్రసన్న...
| 2
|
| ఉ. |
రామునిపుట్టుపూర్వమును రాముఁడు వచ్చుట సీతఁ దెచ్చుటల్
రాముఁడు కాన కేగుటలు రాక్షసులందటి సంహరించుటల్
రాముఁ డయోధ్య నేలుటయు రాజ్యముఁ జేసి సుఖాననుండుటల్
రాముకథంతఁ జెప్పెదను రంజిలు వేడ్కఁ బ్రసన్న...
| 3
|
