పుట:2015.370800.Shatakasanputamu.pdf/400

వికీసోర్స్ నుండి
ఈ పుట అచ్చుదిద్దబడ్డది

మానసబోధశతకము

395


వలనుగ వేఁడి తత్పదవి వజ్రి కొసంగినయాత్రివిక్రముం
డలయక నిన్నుఁ బ్రోచు మనసా హరి...

84


చ.

ఇరువదియొక్కకయ్యముల నిట్టులఁ గంటకులైన రాజులన్
దఱలఁగఁ గూల్చి తద్రుధిరధారల నేఱు లొనర్చి పైతృకా
చరణము సల్పి శాశ్వతయశస్కరుఁడౌ భృగురామమూర్తి ని
న్నరసి కృతార్థుఁ జేయు మనసా హరి...

85


చ.

రవికులమందుఁ బుట్టి బలురక్కసి తాటకఁ గొట్టి మౌనిరా
ట్సవనము చక్కఁబెట్టి గురుసమ్మతిఁ గానను ముట్టి వార్థి దో
ర్జవమునఁ గట్టి రావణు ధరం బడఁగొట్టినరామమూర్తి ని
న్నవిరళలీల నేలు మనసా హరి...

86


చ.

అలవసుదేవరోహిణుల కద్భుతలీల జనించి మించి చే
హలముసలాస్త్రశస్త్రముఖరాయుధముల్ ధరియించి ముష్టికా
దుల వధియించి భూభరముఁ దీర్చిన శ్రీబలరామమూర్తి తా
సలలితలీల నేలు మనసా హరి...

87


చ.

ఘనతరబోధలం ద్రిపురకాంతలనిష్ఠలు మాన్పి పార్వతీ
శునకు శతాంగశస్త్రశరశూలధనుఃప్రముఖోగ్రదివ్యసా