పుట:2015.370800.Shatakasanputamu.pdf/388

వికీసోర్స్ నుండి
ఈ పుట అచ్చుదిద్దబడ్డది

మానసబోధశతకము

383


దరమునఁ గోరి మున్ను శతధన్వుఁడు కూలెనటందు రార్యు లా
సరణిని గోరఁబోక మనసా హరి....

33


చ.

వలువ లొసంగి వాయకుఁడు వాసిగ లేప మొసంగి కుబ్జ దా
నలరు లొసంగి మాలికుఁడు నన్న మొసంగి ధరాసురాంగనల్
ఫలము లొసంగి యాశబరి పాయనిసద్గతిఁ గాంచి రట్లు సొం
పలరఁగ సేవఁ జేసి మనసా హరి...

34


ఉ.

కన్నులు లేనివాఁ డడవిఁ గాడ్పడి పంగునిఁ ద్రోపఁ జూపఁ గై
కొన్నతెఱంగునన్ జడతఁ గోరి పరేతరు లైనవారి నీ
వెన్నిక జేసి కొల్వ ఫల మే మిఁక మాటలు వేయు నేల త
త్సన్నిధిఁ జేరవచ్చు మనసా హరి...

35


చ.

పతిని నహల్య పాసి సురపాలునిఁ బొంది దురంతపాపసం
గతి నొకఱాయి యయ్యె వ్రజకాంతలు కాంతులఁ బాసి భ్రాంతలై
సతతము శౌరితో రతులు సల్పి మనోరథసిద్ధిఁ గాంచి రా
చతురతఁ గాంచి నీవు మనసా హరి...

36


ఉ.

కన్పుదొంగ వాక్కు మది కాయము లేకము జేసి యర్థసం
పన్నతఁ గాంచు నవ్విధము బల్విడి నారసి పొంచిమంచిసౌ