పుట:2015.370800.Shatakasanputamu.pdf/363

వికీసోర్స్ నుండి
ఈ పుట అచ్చుదిద్దబడ్డది

సీ. స్థిరబుద్ధితో నినుఁ జింతసేయనిదినము
               దినము గా దదియె దుర్దినము గాని
     వితతమౌ నీకథ ల్వినకయుండిన చెవుల్
               చెవులు గా వవి కొండగవులు గాని
     భవదీయనామము ల్పలుకకుండిననోరు
               నోరు గా దది డక్కతీరు గాని
     సొంపుగా నీమూర్తి సొబగుఁ గాననికనుల్
               కనులు గా వవి నీటిదొనలు గాని
గీ. చింతగలదియె తిధి విన్కిఁజెలఁగు శ్రుతులు
     పఠనగలదియె నోరు చూపరయ కనులు
     సురుచిరాకార ఉన్నవపురవిహార
     రాజగోపాల రాధామనోజఖేల.78
సీ. సతతంబు నీప్రదక్షిణము సేయనికాళ్ళు
               కాళ్ళు గా వవి మరగాళ్ళు గాని
     అనయము నీపదార్చనము సేయనికరము
               కరము గా దది దర్వికరము గాని
     భవదలంకృతసుమభ్రమితఁ జెందనిముక్కు
               ముక్కు గా దది పందిముక్కు గాని
     చేరి యుష్మత్కథల్ చింతసేయనిబుద్ధి
               బుద్ధి గా దది పాపవృద్ధి గాని
గీ. వలగొనిన వంఘ్రులును పూజగలవి చేతు
     లలరువాసనఁగొన నాస మతిశమవతి
     సురుచిరాకార ఉన్నవపురవిహార
     రాజగోపాల రాధామనోజఖేల.79