పుట:2015.370800.Shatakasanputamu.pdf/357

సీ. ధరనిఁ బౌండ్రకుఁడనునరపాలకుడు భవ
               చ్చిహ్నము ల్దాల్చి ప్రసిద్ధము
     వాసుదేవుఁడ నేను వసుధలో నాకంటె
               విక్రమశాలి యేవీరుఁడనుచు
     దూతనంపిన విని తొడఁబడ వానిపైఁ
               జని రోషమున ఘోరసంగరమునఁ
     బటుశరవహ్నిచే బలముల సమయించి
               కరితురంగములఁ జీకాకుచేసి
గీ. యతనితలఁద్రుంచి వైచినయట్టితఱిని
     జెలఁగి బీభత్సరసము నీకలరె నౌర
     సురుచిరాకార ఉన్నవపురవిహార
     రాజగోపాల రాధామనోజఖేల.66
సీ. కౌరవపాండవుల్ ఘోరయుద్ధముఁ జేయు
               తఱి నరసారథిత్వము వహించి
     యరదంబుఁ గడపంగ నురవడి భీష్ముండు
               విజయునిపై బాణవిసరములను
     జొనిపి గర్వము మీఱి సునిశితశరమును నీ
               యురము నాటించినఁ గెరలి నీవు
     ధరణిపైఁ గుప్పించి యురికి చక్రము చేతఁ
               బట్టి యామిన్నేటిపట్టిమీఁద
గీ. నరుగఁ బార్థుండు మన్నింపు మని మరల్చు
     నపుడు రౌద్రరసంబు నీకలరె నౌర
     సురుచిరాకార ఉన్నవపురవిహార
     రాజగోపాల రాధామనోజఖేల.67