సీ. కుసుమాపచయకాంక్ష గోపిక్క ల్వనవాటి
కేగినజాడల నెఱిఁగి వెంటఁ
బడిపోయి వనములోఁ బడఁతులఁ గనుఁగొని
యింతులార! సుమము లిచట లేవు
ముందట మల్లెలు మొల్లలు గలవని
తప్పుమాటలు కొన్ని చెప్పి పొదలు
చొరఁదీసి బలిమిచేఁ బరిరంభణము చేసి
యధరబింబామృతం బాని యూని
గీ. సురతకేళిని వేర్వేఱఁ జొక్కఁ జేసి
తౌర నీవెంతనేర్పరి వని వచింతు
సురుచిరాకార ఉన్నవపురవిహార
రాజగోపాల రాధామనోజఖేల.54
సీ. పా లమ్మఁజనుగొల్లపడఁతులవెనువెంట
బరిగి కాననభూమి నడ్డగించి
బలిమిచే నొకయింతి పాలిండ్లు చెనకుచు
మురియుచు నొకకాంతమోవి నొక్కి
సుందరి నొక్కర్తుఁ జూచి చెక్కిలి మీటి
కామిని నొక్కర్తుఁ గౌఁగిలించి
ముదముతో వారిని మోహవశలనుఁ గా
వించి కంతునికేళి వేడ్కలలర
గీ. నందఱికి నన్నిరూపులై పొందినట్టి
నీదుచాతుర్యమహిమ వర్ణింప వశమె
సురుచిరాకార ఉన్నవపురవిహార
రాజగోపాల రాధామనోజఖేల.55
పుట:2015.370800.Shatakasanputamu.pdf/351
ఈ పుట అచ్చుదిద్దబడ్డది