పుట:2015.370800.Shatakasanputamu.pdf/345

సీ. ఏకాంతి గని గోవు లిది కలిందాత్మజా
               జల మనుశంకచేఁ జనును ద్రావ
     నేదీప్తినీక్షించి యిది వలాహక మని
               మత్తమయూరముల్ నృత్తమాడు
     నేరుచిఁ జూచి యాభీరకాంతలు తమా
               లదళంబు లివియని చిదుమఁదలఁతు
     రేశోభఁ గనుఁగొని యిలలోన శిశువులు
               సరసజంబూఫలేచ్చను జెలంగి
గీ. రట్టి భదీయమూర్తిమహఃప్రభావ
     మితరులను భ్రాంతి నొందించుటెంతయరుదు
     సురుచిరాకార ఉన్నవపురవిహార
     రాజగోపాల రాధామనోజఖేల.42
సీ. ఆపీతదుగ్ధమై యభినవనవనీత
               సంస్నిగ్ధమై ఘనసదృశమగుచుఁ
     గోమలతాపించగుచ్చసమాన మై
               ముగ్ధమై దధికణదిగ్ధ మగుచు
     నమలకేకీంద్రబర్హాలాంచితము నయి
               వాసవోపలసువిలాస మగుచు
     నలరుయుష్మద్విగ్రహము భక్తజనమనో
               వాంచితంబును దీర్చు నంచితముగ
గీ. భువనమోహనరూప విస్ఫూరితశార్ఙ్గ
     చాప యదుకులభూషణ చక్రహస్త
     సురుచిరాకార ఉన్నవపురవిహార
     రాజగోపాల రాధామనోజఖేల.43