పుట:2015.370800.Shatakasanputamu.pdf/313

వికీసోర్స్ నుండి
ఈ పుట అచ్చుదిద్దబడ్డది

310

భక్తిరసశతకసంపుటము


గోరినయట్లు పట్టి తనకుం బ్రభవిల్లెఁగదా యటంచుఁ దా
నూరక సంతసిల్లి మది నుబ్బెడు త....

76


చ.

చతురతఁ గాంచుచో విమలసాత్త్వికశాస్త్రము లెల్ల నేర్చి సు
వ్రతుఁ డయి సత్యసంధుఁ డయి రాజసభాంతరపూజనీయుఁడై
సుతుఁ డుదయించె నంచు మదిఁ జొక్కి ప్రహర్షణ ముప్పతిల్ల లోఁ
గుతుకము మీఱుచున్న యలకోమలిఁ ద...

77


ఉ.

శ్రీలలరారుసంతతసుశీలుఁడు భూతదయాపరుండు వా
చాలుఁ డనన్యచారుజలజాతముఖహృదయానుకూలుఁ డీ
బాలకుఁ డంచు సజ్జనులు పల్కినఁ దద్వచనంబు వీనులం
గ్రోలుచు సంతసిల్లుసుమకోమలిఁ ద...

78


ఉ.

దానధురాయశోవినయధైర్యనిరంతరసాహసక్రియా
మానజనోపకారఘనమాన్యరతుండయి మీనలోచనా
ధ్యానమసస్కుఁడై సకలధర్మవిశారదుఁ డైనసూనునిం
దాను దలంచి సంతసిలుతన్వినిఁ ద...

79


చ.

పరనిరతోపకారమృదుభాషణభూషణుఁ డాశ్రితావన
స్థిరగుణశాలి నీతిపథజీవనజీవనుఁ డుత్తమాధమాం