ఈ పుట అచ్చుదిద్దబడ్డది
క. పరులను నడిగిన జనులకు
కుఱుచ సుమీ యిది యటంచు గుఱుతుగ నీవున్
గురుచఁడవై వేఁడితి మును
ధరఁ బాదత్రయము బలిని దద్దయుఁ గృష్ణా!82
క. పాలను వెన్నయును మ్రుచ్చిల
ఱోలను మీ తల్లి కట్ట రోషముతోడన్
లీలావినోది వైతివి
బాలుఁడవా బ్రహ్మకన్న ప్రభుఁడవు గృష్ణా!83
క. ఏఘడియను నీనామము
లఘుమతితోఁ దలఁపఁగలనె లక్ష్మీరమణా
అలఘములఁ బాపుము దయతో
రఘురాముఁడ వైన లోక రక్షక కృష్ణా!84
క. అప్పా యిత్తువు దయతో
నప్పాలను నతిరసంబు లనుభవశాలీ
యప్పా నను గనుఁగొనవే
యప్పా నను బ్రోవు వేంకటప్పా కృష్ణా!85
క. కొంచెపువాఁడని మదిలో
నెంచకుమీ వాసుదేవ యిభవరద హరీ
యంచితముగ నీ కరుణకుఁ
గొంచము నధికంబు గలదె కొంతయుఁ గృష్ణా!86
క. వావిరి నీ భక్తులకున్
గావరమున నెగ్గు సేయు గర్వాంధులకున్