పుట:2015.370800.Shatakasanputamu.pdf/270

     అన్నన్న! చిత్రతరాంఘ్రిధారాగతి
               వాహువా! సుందరబాహులీల
     ఆహా! సమస్తశుభావరత్విస్ఫూర్త
               బాపురే! విపులమౌ వీపు! కోపు
గీ. అనుచు సకలజనుల్ చోద్యమంది పొగడ
     ఘనతరాశ్వంబుపై నెక్కి కలికిమూర్తి
     వగుచుఁ బాశ్చాత్యవరులను నణచె దీవు
     వైరిహరరంహ! సింహాద్రి నారసింహ!100
సీ. దేవకీసతి వసుదేవనందనుఁడవై
               నందయశోద లానందమొంద
     సమదాత్మపూతనాశకటతృణావర్త
               ధేనుకముష్టికాదికులఁ ద్రుంచి
     గొల్లచేడెల వల్వ లుల్లంబులు హరించి
               మామ కంసుని ద్రుంచి మధుర నలరి
     రుక్మిణి ముఖ్యసరోజేక్షణలఁ గూడి
               ద్వారక వసియించి ధర్మసరణిఁ
గీ. బాండవులఁ బ్రోచి కౌరవబలము నడఁచి
     భక్తరక్షణ శిక్షచే బ్రబలినట్టి
     కృష్ణ! గోవింద! మాధవ! కేశవ!హరి
     వైరిహరరంహ! సింహాద్రి నారసింహ!101
సీ. మాణిక్యపీఠికామధ్యపద్మస్థితు
               రవికోటితేజోవిరాజమానుఁ
     గందర్పశతకోటిసుందరాకారుని
               శంఖచక్రగదాశార్ఞ్గధరుని