పుట:2015.370800.Shatakasanputamu.pdf/266

     మంగళసూత్రసంబంధవేళాన్యోన్య
               పులకితస్విన్నాంగముల మెఱుంగు
గీ. చెట్టపట్టులతో నలసీత నీవు
     గురువులకు వందనము సేయు కూర్మిభక్తి
     రంగు మీరంగ మిథిలాపురంబునందుఁ
     జూచు పుణ్యాత్ము లేనోము నోచినారొ
     భద్రయుతకీర్తి శ్రీరామభద్రమూర్తి
     వైరిహరరంహ! సింహాద్రి నారసింహ!92
సీ. తమ్ములు నీవు నందమ్ముతోఁ బెండిలి
               కొడుకులై సతులతోఁ గూడి చనుచు
     పరశురాముని భంగపఱచి యయోధ్యాపు
               రంపు వైభవము మీరంగఁజేరి
     కోరిక ల్మీరఁగాఁ గొన్నాళ్ళు వసియింప
               దశరథేశుఁడు మీకు ధర్మనియతి
     యువరాజ్యపట్టణోద్యోగంబుఁ గావింపఁ
               గడుఁ జూడఁజాలక కైక మిమ్ము
గీ. సకలలోకైకనిందకు జడియ కకట!
     యడవులకు నేగుమనఁగ నోరాడె నెట్లు
     కైక నననేల? నీదు సంకల్ప మట్లు
     వైరిహరరంహ! సింహాద్రి నారసింహ!93
సీ. అంటినఁ గందెడు నడుగుదమ్ములతోడ
               నడవికి జానకి యెట్లు నడచెనయ్య!
     పుడమి యేలుట మాని జడదారులగు మిమ్ముఁ
               దల్లిఁ గన్గొని యెట్లు తాళెనయ్య!