పుట:2015.370800.Shatakasanputamu.pdf/262

వికీసోర్స్ నుండి
ఈ పుట అచ్చుదిద్దబడ్డది

     తత్తనుకీలాల ధారాసరిత్తుల
               నవనవంబులుగఁ గాలువలు దిద్ది
గీ. ఘనయశస్సస్య మవని నాకసము నిండఁ
     బ్రబలజేసితివౌ భళీ! పాదుకొనియె
     భావిహలమూర్తి పరశురామావతార
     వైరిహరరంహ! సింహాద్రి నారసింహ!84
సీ. మనువంశభూషణ మహిమచేఁ జెన్నొంది
               ఘనకళాసాంగత్యకలనఁ జెంది
     సకలసాయకవర్ణసంగతి నింపొంది
               సద్గుణరీతిఁ బ్రశస్తి నొంది
     యత్రానపటలలీలాత్మతఁ జెలువొంది
               నిర్దోషగతులచే నెరపు సెంది
     సకలజగన్నుతసంపద జెన్నొంది
               సుకుమారరత్నసంశుద్ధి నొంది
గీ. సరసదశరథపత్ని కౌసల్యగర్భ
     మనెడు గనియందు హరినీలమన జనించి
     రామసంజ్ఞ మెలంగు ని న్బ్రస్తుతింతు
     వైరిహరరంహ! సింహాద్రి నారసింహ!85
సీ. ఫణిరాజశయ్యపై బవ్వళించెడి నీవు
               పండితి కౌసల్య ప్రక్కలోన
     బ్రహ్మాండగోళము ల్ప్రాకియాడెడు నీవు
               రహిఁ బాకిరితి దశరథునియింట
     బహువేదశాస్త్రప్రభావుండవౌ నీవు
               నవ్యక్తవాక్యము లాడినావు