పుట:2015.370800.Shatakasanputamu.pdf/26

వికీసోర్స్ నుండి
ఈ పుట అచ్చుదిద్దబడ్డది

     వరద నెగిల్లె యంచు నిను బ్రస్తుతిసేయుదుఁ బెక్కుభాషలన్‌
     వరద వివేకశీల బసవా! బసవా! బసవా! వృషాధిపా!63
ఉ. హాడువె దామహార సదినంఘ్రియుగ భ్రమగొండు సద్గుణా
     మాడు వదర్చనంబిడె సమగ్రనుతిత్వయి సత్క్రియన్‌ దగన్‌
     'గూఢమణిప్రవాళము'నఁ గోరి నుతింతును సంచితార్థముల్‌
     పాడిగ నివ్వటిల్ల బసవా! బసవా! బసవా! వృషాధిపా!64
ఉ. రుద్ర గణాదిరుద్ర! వినిరూపిత లింగసుఖాదిసంద్ర య
     చ్ఛిద్ర! దయాసముద్ర! సవిశేష పరాక్రమ వీరభద్ర! య
     క్షుద్ర జనావళీభవ నిషూదన రౌద్ర! సమస్త భక్త దే
     వ ద్రుమ! నీవె దిక్కు బసవా! బసవా! బసవా! వృషాధిపా!65
చ. ఇహపరసిద్ధ! సిద్ధ వృషభేశ్వర! ఈశ్వర భక్త! భక్త హృ
     ద్గహన విలోక! లోకహిత కారణ! కారణజన్మ! జన్మదో
     షహరణ దక్ష! దక్షరిపుసన్నిభ! సన్నిభరూప! రూప ని
     ర్వహణ! శరణ్యమయ్య బసవా! బసవా! బసవా! వృషాధిపా!66
ఉ. సన్నుత జంగమాగమము స్వాతిజలంబులు భక్తనిమ్నగం
     జెన్నుగ నీదు చూడ్కులను చిప్పల జొన్నలు ముత్తియంబులై
     యున్న నొకయ్య మ్రుగ్గు నియమోన్నతి నిల్పిన ధన్యు నిన్ను శ
     శ్వన్నుతులన్‌ భజింతు బసవా! బసవా! బసవా! వృషాధిపా!67