పుట:2015.370800.Shatakasanputamu.pdf/258

వికీసోర్స్ నుండి
ఈ పుట అచ్చుదిద్దబడ్డది

     పరమోపకారసంభరితచిత్తుఁడఁ గాను
               శమదమసత్యనిశ్చలుఁడఁ గాను
గీ. వినుము దీనావన! యనాధజనుఁడ నయ్య!
     నేను మిక్కిలి తెలియఁగానేర నయ్య!
     దేవ నిర్హేతుకృప నన్నుఁ బ్రోవవయ్య!
     వైరిహరరంహ! సింహాద్రి నారసింహ!76
సీ. ధరణిగుప్తంబైన చరణయుగ్మముతోడ
               నలరారు ప్రక్కగాయంబుతోడ
     రమణీయమైన వరాహాననముతోడ
               ఘనతరఫాలలోచనముతోడ
     నిగనిగలాడు బల్నిడుదకీల్జడతోడ
               నవ్యగోక్షీరవర్ణంబుతోడ
     మైనిండ నలఁదిన మంచిగంధముతోడ
               నిమితభక్తానుగ్రహముతోడ
గీ. నఖిలలోకావనము సేయ నవతరించి
     యున్న మిమ్ముల వినుతింప నోపలేరు
     హిమకరకిరీటముఖులు నే నెంతవాఁడ
     వైరిహరరంహ! సింహాద్రి నారసింహ!77
సీ. సోమకాభిఖ్య రక్షోనేత, ధృతిచేత
               నామ్నాయజాతము లపహరించి
     మధ్యేనదీనాథమగ్నుఁడై డాఁగినఁ
               ధత్ఖలు దునిమి వేదములు మరల
     ధాత కొసంగఁగా దలఁచి నీ వల మత్స్య
               మూర్తివౌటను తపస్స్పూర్తివేళఁ