పుట:2015.370800.Shatakasanputamu.pdf/257

     దుష్టుండ దుస్సంగదూష్యుండ శమదమ
               హీనుఁడ శౌర్యవిధానపరుఁడ
గీ. నైన శరణొందితిని నన్ను నాదరింపు
     సజ్జనులకైన మిగుల దుర్జనులకైన
     సౌఖ్య మొసఁగదె కల్పవృక్షంబునీడ
     వైరిహరరంహ! సింహాద్రి నారసింహ!74
సీ. తే నమో రక్షిత దేవరాయ సురేంద్ర
               సేవితాయ మునీంద్రభావితాయ
     తే నమో నిత్యసుధీరతాయ సుమేరు
               ధీరతాయ యశుభవారణాయ
     తే నమో నిర్జితదీనతాయ భృతాప్త
               మానవాయ దళితదానవాయ
     తే నమో జ్ఞానసుధీహితాయ చిరాయు
               తాకృతాయ బుధోరరీకృతాయ
గీ. “పాహిమాం పాహి మా మన్యధా హి నాస్తి
     శరణమరుణాబ్జదృక్కోణకరుణ” ననుచు
     వందనము చేసి కొల్తు భావమున నిన్ను
     వైరిహరరంహ! సింహాద్రి నారసింహ!75
సీ. స్నానసంధ్యాద్యనుష్ఠానశక్తుఁడఁ గాను
               పరమయోగాభ్యాసపరుఁడఁ గాను
     విమలదివ్యక్షేత్రగమనదక్షుఁడఁ గాను
               ఘనవరదానసంగతుఁడఁ గాను
     భవదీయపదపద్మభక్తియుక్తుఁడఁ గాను
               నిరుపమాజ్ఞానమానితుఁడఁ గాను