పుట:2015.370800.Shatakasanputamu.pdf/242

సీ. ఖలపదార్థమునందు నిలయమొందితి వంటి
               నలవెన్నదొంగిలి తనుటలేదు
     లక్ష్మియౌ రుక్మిణీలలనఁ గూడితివంటి
               వలరాధ మరిగితి వనుటలేదు
     అవనిఁ బాలింపఁగా నవతరించితివంటిఁ
               బశుపాలకుఁడవని పలుకలేదు
     దుష్టులౌ రాజదైత్యుల హరించితివంటి
               వల నరసారథి వనుటలేదు
గీ. యయ్య యెదురాడ నామాట లనకమున్నె
     ఖలుల వధియించి నీసిగ్గు నిలుపుకొమ్ము
     పరులు నవ్వఁగ నపకీర్తిపాలుగాక
     వైరిహరరంహ! సింహాద్రి నారసింహ!44
సీ. గ్రామదాహకకర్మ గతిమానుపుమటన్న
               వెస నదేమఱియుఁ గావించె దీవు
     పథికుల దోపించు పనిమానుపు మటన్న
               వెస నదేమఱియుఁ గావించె దీవు
     చెరలు జూరలుపట్ట సేగి మాన్పు మటన్న
               వెస నదేమఱియుఁ గావించె దీవు
     బహుసస్యనాశనార్భి మానుపు మటన్న
               వెస నదేమఱియుఁ గావించె దీవు
గీ. వేడుకొనుకొద్ది లావాయె వెఱ్ఱివాఁడ!
     యోడముంచకు మనురీతి యొనరు మాకు
     బుద్ధి తెచ్చుక యవనుల పొంక మణఁచు
     వైరిహరరంహ! సింహాద్రి నారసింహ!45