సీ. జయవిజయీభవ జగదవనాసక్త
జయవిజయీభవ శౌర్యయుక్త
జయవిజయీభవ శాశ్వతకళ్యాణ
జయవిజయీభవ నయధురీణ
జయవిజయీభవ సర్వంకషప్రజ్ఞ
జయవిజయీభవ సన్మనోజ్ఞ
జయవిజయీభవ సాధుజనాధార
జయవిజయీభవ భయవిదూర
గీ. యనుచు జయవాక్యముల జను ల్వినుతిసేయఁ
జక్రహస్తుఁడవై రిపుక్షయ మొనర్చి
ధరణిఁ బాలింపు మాచంద్రతారకముగ
వైరిహరరంహ! సింహాద్రినారసింహ!42
సీ. చాటకపోఁజుమీ! చాలఁబ్రోవకయున్న
నాఁటి వ్రేపల్లెలో రోటిమాట
ప్రకటింతుజుమి! మమ్ము రక్షింపకుండినఁ
దగ గొల్లచెలుల వస్త్రములమూట
దాచనుజుమి! మమ్ము దరిజేర్పకుండినఁ
గొంకక మధురలోఁ గుబ్జమాట
బైటఁబెట్టెదజుమీ! పాలింపకుండినఁ
గాలయవనునాఁటి కానిమాట
గీ. మర్మమెఱిఁగినవారితో మానువాదు
బైసి పోగొట్టుకోకు మాపాలఁ గలిగి
సాధురక్షణ, దుష్టశిక్షణ మొనర్పు
వైరిహరరంహ! సింహాద్రి నారసింహ!43
పుట:2015.370800.Shatakasanputamu.pdf/241
ఈ పుట అచ్చుదిద్దబడ్డది
