పుట:2015.370800.Shatakasanputamu.pdf/238

సీ. బేగీ అరేఅరబ్బీ పడోరే యని
               బోడిసన్యాసుల బొడచువారు
     మత్రఖోమూపరుమాటీ యనుచు వైష్ణవుల
               బొట్టుదుడుపఁగఁ బోవువారు
     పత్థరుకాయకు బందియారేచోడ్
               దేవని శైవులఁ దిట్టువారు
     కాలటీకాతూనికా ల్దేవటంచు మా
               ధ్వుల ప్రల్లదమ్మాడి త్రోయువారు
గీ. నైరి యవనులు మిమ్ము నిట్లడగఁజేయ
     నట్టివాండ్రకు ద్విజులెంతయౌఁ గద గుడి
     మ్రింగువానికి లింగ మూర్బిండివడెము
     వైరిహరరంహ! సింహాద్రి నారసింహ!36
సీ. విషవహ్ని బ్రజకెల్ల వెతఁజేయు కాళీయు
               పడగలు వడిద్రొక్కు పటిమ యేది
     వడిగ బిడౌజుండు పిడుగులు వర్షింప
               శైలమెత్తిన నాఁటి శక్తి యేది
     దుర్యోధనాదులు దొరకించుకొనువేళ
               విశ్వరూపము సూపు వింత యేది
     ముర నరకాది ముష్కరదుష్కరాదుల
               మర్దించి చెలఁగు నీమహిమ యేది
గీ. ఇట్లు ఖలు లేచ దీనుల నెన్నఁటికిని
     కరుణజూచెదొ? కలవాఁడు గాదెదీయు
     దనుక బీదలప్రాణముల్ తాళుటెట్లు
     వైరిహరరంహ! సింహాద్రి నారసింహ!37