పుట:2015.370800.Shatakasanputamu.pdf/222

వికీసోర్స్ నుండి
ఈ పుట అచ్చుదిద్దబడ్డది

     వాసిదప్పెనొ హతోద్భాసిసుమాలి మ
               హాసురశార్ఙ్గబాణాసనంబు
     పదునువాసెనొ మధుప్రముఖేంద్రరిపురాజ
               బృందాంతకారకనందకంబు
     కడిమి దప్పెనొ సౌంభకమధప్రథవిధాన
               చండమై దగుగదాదండపటిమ
గీ. జబ్బుపడియుంటివేల మాయబ్బయొక్క
     దెబ్బతియ్యక తురకలయుబ్బు చెడదు
     గొబ్బునఁ జెలంగు మిఁకనైన నిబ్బరముగ
     వైరిహరరంహ! సింహాద్రి నారసింహ!4
సీ. చుట్టబెట్టెను మహారట్టజంబులతోడ
               నిఖిలరాజ్యము పఠానీలపౌఁజు
     మట్టిమల్లాడెను మదసామజంబుల
               పురజనపదములు తురకబలము
     కొట్టి కొల్లలువెట్టె గురువిప్రమానినీ
               ఘనగోగణంబుల ఖానుసమితి
     పట్టిపల్లార్చిరి బహుదుర్గవర్గముల్
               సరభసౌద్ధత్య పాశ్చాత్యచయము
గీ. మించి భూస్థలి నిటులాక్రమించి రాఁగ
     నలుక రాదేమి నగరివారలనుదోఁచఁ
     బొంచియుంటివి యవనుల ద్రుంచు మిఁకను
     వైరిహరరంహ! సింహాద్రి నారసింహ!5