ఈ పుట అచ్చుదిద్దబడ్డది
శ్రీరస్తు
సింహాద్రి
నారసింహశతకము
సీ. శ్రీమద్రమారమణీమణీరమణీయ
సరసచిత్తాబ్జబంభర! పరాకు
శంఖచక్రగదాసిశార్ఙ్గచాపాదిభా
సురదివ్యసాధనకర! పరాకు
ప్రహ్లాదనారదవ్యాసశుకాధిక
భక్తసంరక్షణపర! పరాకు
బహుతరబ్రహ్మాండభాండపరంపరా
భరణలీలాదురంధర! పరాకు
గీ. నీకు సాష్టాంగవినతు లనేకగతులఁ
జేసి విన్నప మొనరింతుఁ జిత్తగింపు
చెనఁటి వీఁ డనిమదిలోనఁ గినుక మాను
వైరిహరరంహ! సింహాద్రినారసింహ!1
సీ. అవధారు దేవ చిత్తావధానతఁ గోరు
వనజజాదులు సేయు వందనములు
సెలవె రాత్రిందివస్థితిగతుల్ దెలుపఁగా
సోమపద్మాప్తు లిచ్చో నిలిచిరి
