పుట:2015.370800.Shatakasanputamu.pdf/21

చ. వరగుణదీప్ర! భక్తజనవప్ర! తృణీకృతవిప్ర! తాత్త్వికాం
     కుర పదపద్మ భక్తిరసగుంభ! నిరాకృతదంభ! సద్గుణ
     స్ఫురిత విశిష్ట! శాంతగుణపుష్ట! నిరస్త నికృష్ట! మన్మనో
     వరద! శరణ్యమయ్య బసవా! బసవా! బసవా! వృషాధిపా!41
ఉ. లింగనిరూఢ! సంచితవిలీఢ! పరాక్రమగూఢ! మానసా
     సంగి వృషాంక! నిర్గళితశంక! నిరస్తకళంక! సంతతా
     భంగురపుణ్య! శీలముఖమణ్య త్రిలోకవరేణ్య! దేవ నీ
     వంగడమేఁ జుమయ్య బసవా! బసవా! బసవా! వృషాధిపా!42
చ. ఉరుతరభాగ్య! మన్మహితయోగ్య! జగత్త్రయమృగ్య! పాపసం
     హరణసమర్థ! నమ్రచరితార్థ! లసద్గుణసార్థ! భావ భా
     స్వర నయసాంద్ర! కీర్తిజితచంద్ర! వివర్జితతంద్ర! మన్మనో
     వరద! శరణ్యమయ్య బసవా! బసవా! బసవా! వృషాధిపా!43
చ. విరచిత శుద్ధసాళగ నవీన మృదుస్వర మంద్ర మధ్య తా
     ర రుచిర దేశిమార్గ మధురస్వర గీతసుధాతరంగిణీ
     తరళ తరంగజాల సముదంచిత కేళివిలోల సంగమే
     శ్వర శరణయ్య నీకు బసవా! బసవా! బసవా! వృషాధిపా!44
చ. అసమవదాన్య మాన్య! ప్రణుతార్యయవార్య! రసజ్ఞతజ్ఞ! దు
     ర్వ్యసన విదూర! శూరగణవంద్య! యనింద్య! యమాఢ్య యాఢ్య! భ
     క్తిసుఖసమృద్ధ వృద్ధ! చిరదీప్తి పవిత్రచరిత్రపాత్ర! నా