పుట:2015.370800.Shatakasanputamu.pdf/151

వికీసోర్స్ నుండి
ఈ పుట అచ్చుదిద్దబడ్డది

మ. ఘనులన్‌ నీచుల నీచులన్‌ ఘనుల సత్కారాఢ్యులన్‌ దుష్క్రియా
     జనితోద్యోగుల నర్థవంతులను భిక్షాయుక్తులన్‌ భిక్షులన్‌
     ధనికవ్రాతముగా నొనర్చుచును నిత్యంబున్‌ మహాగారడం
     బని నందించు వినోదరాయ హరి కృష్ణా! దేవకీనందనా!46
శా. శ్రీలక్ష్మీధవ వాసుదేవ వరదా రాజీవపద్మాసనా
     వ్యాళాధీశ్వర శర్వ షణ్ముఖ శుకాద్యస్తోత్ర సత్పాత్ర గో
     పాలానీక ముఖాబ్జభాస్కర కృపాపాథోధి నన్‌ గావు మూ
     ర్ధాలంకార మయూర పింఛధర కృష్ణా! దేవకీనందనా!47
మ. పతులున్నేవురునెన్నఁగాఁగలిగి భూపాలాంగనానీకముల్‌
     సతతంబున్‌ గనుసన్నలన్‌ మెలఁగుచైశ్వర్యంబుతోనుండి తా
     నతిభక్తిం జని యాసుధేష్ణకును జేయం బూనదే ద్రౌపదీ
     సతి యాశ్చర్యము నీవిలాసములు కృష్ణా! దేవకీనందనా!48
శా. మీసామర్థ్యము గల్గునంతకును నెమ్మిన్‌ బాండుసూనుండు నా
     యాసం బొంద మహాద్భుతంబుగ విరాటాధీశుపట్ణంబులో
     గ్రాసోపాయము లేక భిక్ష మడుగన్‌ గాషాయముంబూని స
     న్యాసంబున్‌ ధరియింపఁడే యచటఁ గృష్ణా! దేవకీనందనా!49
మ. విరటుం గొల్చినవాఁడు నొక్కఁడిలఁ బృథ్వీనాథులన్‌ గూల్చి సం