పుట:2015.370800.Shatakasanputamu.pdf/147

వికీసోర్స్ నుండి
ఈ పుట అచ్చుదిద్దబడ్డది

మ. తినదేచెట్టున నాకు మేఁక గుహ గొందిం బాము నిద్రింపదే
     వనవాసంబునఁ బక్షులున్‌ మృగములున్‌ వర్తింపవే నీటిలో
     మునుకల్‌ వేయవె మత్స్యకచ్ఛపములు న్మోక్షార్థమౌ ముక్తికిన్‌
     మనసే మూలము నీదుభక్తులకు కృష్ణా! దేవకీనందనా!23
శా. వింటిం గొంతగ మీమహత్వమును నుర్విన్‌ దర్శనప్రాప్తిచే
     ఘంటాకర్ణుని నుగ్రసేనతనయుం గైవల్యతేజంబు ని
     న్నంటంజేయవె మాటమాత్రమున నిట్లాశ్చర్యమున్‌ బొందఁగా
     నంటం బొందనివేల్పు నిన్‌ గొలుతుఁ గృష్ణా! దేవకీనందనా!24
మ. విలసత్కావ్యకళాధురీణతలు తద్విజ్ఞానులైనట్టి వే
     త్తలకుం గాకవి యేల మూర్ఖులకు గాధల్‌ జెందు భాగీరథీ
     దళితాంభోరుహ షండమండిత మరందగ్రాస మాధుర్యవాం
     ఛలు జోరీఁగల కేల తేంట్లగతి కృష్ణా! దేవకీనందనా!25
మ. చతురంభోధిపరీత భూవలయరాజానేకకోటీర రం
     జితమాణిక్యవిరాజమానపద రాజీవుండు ధర్మాత్మజుం
     డతికారుణ్యముచేత మత్స్యపతికొ ల్వాసింపఁడే నీదు శా
     శ్వత కారుణ్యము గల్గునంతకును కృష్ణా! దేవకీనందనా!26
మ. శుకమద్గౌతమ కణ్వ కుత్స జమదగ్న్యోదంక శాండిల్య శౌ