275
“ఇంటరుమీడియేట్” చదువుతూన్న మియ్యా తన విద్యాశాఖవాడే అయన కమలాకరాన్ని కలుసుగుని.
మి - కమ్లాకరం! నిన్న లెస్సన్సు హేమ్టీఅయిందీ?
క - ఏం? నువ్వురాలేదూ?
మి - లేదూఓయ్!
క - ఏమిటి కమామీషు!
మి - మాది సెల్లెల్ హీనింది.
క - అదేమిటోయ్, నీముండా మొయ్యా! అల్లా అంటే ఎవడేనా జున్ను తెమ్మంటాడు. ముఖ్యమైన అశ్లీలాలు ముందుగా నేర్చుగుని మరీమాట్టాడు, అన్యభాష!
276
మూర్తి - ఎంజెయ్యమన్నావ్, బ్రహ్మం! జీతం ప్రమోషన్కి పిటీషను పెట్టుగున్నాను, జవాబు లేదూ. నాలుగు రిమైండర్లు కొట్టాను. వాటికీఅంతే. నాకేనా సిగ్గు ఉండద్దూ? ఏం మొహం పెట్టుగుని అయిదో రిమైండరు పంపడం, అని చూస్తున్నాను.
బ్ర - కొత్త రిమైండర్లు ఇక తగిలించకు.
మూ - ఒక్కొక్క రిమైండర్కే మెల్లిగా రద్దుపిటీషన్లు జారవిడుస్తూండమంటావా!
బ్ర - మరే. అనుకున్నపని అవుతుందిగా! ఉదలు దండకం అందుకు
277
వర్మ - ఏమోయ్, శర్మా! నలుగురు కూలివాళ్ళనీ పంపించానుగదా సామగ్రి మొయ్యటానికి! మళ్ళీ అయిదోవాడికోసం కబురంపించా వెందుకూ!
శ - అయిదోవాణ్ణా?
వ - మరే.
శ - నిప్పుచ్చుగోడానికి.
వ - నిప్పెందుకూ?
శ - తట్ట తగలెయ్యడానికి.
278
చిట్టిబాబు - ఎమండి, రామయ్యగారు! భోజనం అయిందీ?
రా - ఏదో! అయింది.
చి - ఈవాళ కూరలేంజేశారు? మీయింట్లో?
రా - రోజూలాగే తినేశారు. మీయింట్లో?
చి - పారేశారు.
రా - దొడ్లోనా? ...ఒహో! నోట్లోనా!
279
దామోదరం - నిన్న నేనిచ్చిన నవల చివరదాకా చూశారూ?
శాస్త్రి - చూశా చూశా. ఎటొచ్చీ ఆడమనిషి రాసిందన్న మాటగాని, ఏముటుంది అందులో గొప్పా!
దా - మొదట్లో నేనూ అంతే అనుకున్నాను. కాని అథాత్తుగా అభిప్రాయం మార్చుగోవలిసొచ్చింది.
భమిడిపాటి కామేశ్వరరావు రచనలు - 1
63
హాస్యవల్లరి
