వచ్చేవాళ్లు ఇంకా సమీపించారు. చీమమ్మగారు ప్రశ్నకేకా, తక్కినవారంతా కలిసి జబాబుకేకా వేస్తున్నారు. (ఆవిడ చేసిన ప్రారంభమే ఇటీవల టాకీ ప్రదర్శనం గురించిన ఘోషణల్లో కుర్రాళ్లు నేర్చుగున్నట్టు తెలుస్తుంది!)
చీ - ఏం రకం కావాలి?
తక్కిన - కొత్తరకం కావాలీ.
చీ - ఏం సరుకు పోవాలీ?
త - ఉన్న సరుకు పోవాలీ.
చీ - ఎక్కడెక్కడ పోవాలీ?
త - ఇంటాబైటా పోవాలి.
సవారినాధంగారు కూచోపడ్డాడు.
చీ - ఏం కూడా మారాలీ?
త - అంతా కూడా మారాలి.
చీ - ఏం పత్రిక చదవాలీ?
త - యుగసంధే చదవాలి.
సవారినాధం తల వెనక్కీ కళ్లుపైకీ, కిందపడ కిందకీ పోయాయి.
చీ - ఏం వ్యాసం?
త - సమాసమీ.
చీ - ఎవరిదీ?
త - మీది!
తక్షణం ఆ స్త్రీలోకం యావత్తూ “జయ్ 'సమాసమీ'గారికీ జయ్!” అంటూ అరుస్తూ, ఒక్కొక్కరే వచ్చి తమ చేతుల్లో ఉన్న దండల్తో నాయకురాలి మెడ నిండేశారు!
- సెప్టెంబర్, 1943
★ ★ ★
భమిడిపాటి కామేశ్వరరావు రచనలు - 1
182
హాస్యవల్లరి
