పుట:హరివంశము.pdf/535

వికీసోర్స్ నుండి
ఈ పుట అచ్చుదిద్దబడ్డది

ఉత్తరభాగము - ఆ. 9.

487

వ. సర్వమంత్రులం జూచి చూచీతిరే యిది యొక్క యద్భుతాకారంబు నరుండును
     నఖరాయుధుండును నై కవిసె నిది యది యని నిశ్చయింపరాక శరీరచ్ఛాయ
     శంఖకుందేందుసన్నిభం బై నైజం బగు తేజంబున జగదుద్వేజకం బైన
     య ట్లున్నది యనిన నందఱు సంభ్రమావేశవిహ్వలు లై ప్రహ్లాదుండు దివ్యావ
     లోకనంబున నాలోకేశ్వరుం బరతత్త్వంబుగా నిరూపించి తండ్రి కి ట్లనియె.220
మ. దితిజాధీశ్వర దేవమర్దన మహాతేజస్వి సంపూజ్య యి
     వ్వితతాశ్చర్యనృసింహమూర్తిఁ దెలియన్ వీక్షించితే సత్త్వశా
     శ్వతసర్వజ్ఞసదద్వయాచింతచిదవ్యక్తాత్మ సువ్యక్తమై
     దితిజోచ్ఛేదనకేళికై యిటులు దోతెంచెం జుమీ యారయన్.221
సీ. నదులు సాగరములు నగములు చంద్రార్కనక్షత్రతారాగణంబు దివము
     ధరణి దిక్కులు మారుతంబు లాదిత్యాశ్వివసురుద్రసాధ్యవిశ్వప్రముఖులు
     మునులు యోగీంద్రులు మనువులు దాతలు సరసిజగర్భుండు చంద్రధరుఁడు
     యక్షులు గంధర్వు లచ్చరుల్ పక్షులు పన్నగుల్ మనుజులు పశుచయంబు
తే. నీసభాంతరమున నున్నయింతవట్టు, వారు నీవిశ్వరూపుని ఘోరరూప
     ముననయున్న తెఱంగుసూపునకు వెలసెఁ, జంద్రబింబంబులోఁ దోఁచుజగమువోలె.222
వ. మీరు గంటిరో కానరో కాని యే నింతయుం గంటి నాకుం జూడ నా యుగ్ర
     తేజంబు నిగ్రహించుకొలఁదిగా దెయ్యెదే నొక్క భవ్యోపాయంబునం దప్పించు
     కొనుటయ యిప్పటికి నొప్పెడు కర్జం బనిన నా దుర్జనుండు దుర్జాతు లగు
     దైతేయులం బిలిచి.223
క. ఏయడవినుండి వచ్చెనొ, యీయర్ధమృగేంద్ర మిచటి కిప్పుడు బాహు
     వ్యాయామంబున దీని న, జేయుల రై కిట్టిపట్టి చెండుఁడు కడిమిన్.224
క. పోనీకుఁ డనిన నసురులు, నానాప్రహరణము లెసఁగ నరసింహునిపైఁ
     గాననసింహముపై శున, కానీకం బడరుమాడ్కి నడరిరి పెలుచన్.225
వ. ఆందఱం బొరిగొని యద్దేవుం డట్టివారికి విహారస్థానం బైన యయ్యాస్థానం
     బంతయుం గరచరణవిక్షేపంబులం బొడిచేసి లేచె నిట్లు భగ్నసభాస్థలుం
     డయ్యును సభయుండు గాక యతండు దనకుఁ గల యస్త్రశక్తి యంతయు సంస్మ
     రించి క్రమంబున మహాదండంబు బ్రహ్మదండంబుఁ గాలదండంబు ధర్మచక్రంబు
     గాలచక్రంబు సృష్టిచక్రంబు బ్రహ్మవిష్ణుమహేంద్రచక్రంబు లార్ద్రశుష్క
     సంజ్ఞం బగు నశనిద్వయంబు రుద్రశూలంబు గంకాళంబు ముసలంబు బ్రహ్మ
     శిరంబు బ్రహ్మాస్త్రం బైషీకంబు శక్రాగ్నిపవనశిశిరాస్త్రంబులు గపాలంబు గైంక
     రంబు హయశిరంబు సోమపైశాచికాస్త్రశస్త్రంబులు మోహనశోషణతాపన
     విలాపనచర్వణంబులును గాలముద్గరంబు సంవర్తనంబు మాయాధరంబు ప్రస్థా
     పనంబు మొదలుగా నపరిమితంబు లైన యస్త్రంబులు పఱపి సర్వాస్త్రరాజంబును