పుట:హంసవింశతి.pdf/84

చ.⁠

సరసులు గద్యపద్యముల చాతురికిన్ దలలూఁచి మెచ్చఁగా విరసు లసూయచేత మఱి వేడ్కవహింపరు, తేఁటిమొత్తముల్ శరదరవిందబృందఘనసారమరందసుగంధసంగ్రహ స్ఫురణ వహించుఁగాని, పురసూకరపంక్తులు చెందనేర్చునే!

⁠ 13

వ.⁠

అని యిష్టదేవతాప్రార్థనంబును సుకవి స్మరణంబును గుకవి తిరస్కర ణంబును గావించి, తదనంతరంబ.

⁠ 14

ఆత్మ స్తుతి

సీ.⁠

ఎవనికీరితి కుభృద్ధవ కుభృద్ధర బుధ కరిసైంధవ సమిద్ధహరిణరుచిర మెవనిమేధంబు రుడ్భవ కభుగ్ధవ విధూ ద్భవ మరుద్ధవ గురుప్రతివిఘాతి యెవని యీ వహిమరుగ్భవ సరిద్ధవ లస ద్భువనభృత్త్రిపురభిద్భూరిమహిమ యెవనిరూ పమృతభుగ్ధవసుతోడ్వీడ్రతీ డుడ్విడ్భృదాప్తపుత్త్రోల్లసనము

⁠

గీ.⁠

మంత్రిమాత్రుండె యతఁడు దుర్మంత్రిమంత్ర తంత్రసంత్రాసకరణస్వత్రంతుఁడయల రాజవంశసుధావార్థిరాజ సూర యార్య నారాయణామాత్యవర్యుఁ డలరు.

⁠ 15

వ.⁠

వెండియు నఖండతేజఃకాండమార్తాండమండలప్రచండుండును, నిజవిత రణాకర్ణనకృశీభూతపారావారపునరభ్యుదయకారణానూనదానధారా ప్రవాహసంజాతమహావాహినీవ్యూహుండును, నిస్తులప్రశస్తసమస్త సద్గుణరత్నరత్నాకరుండును, గౌండిన్యగోత్రపవిత్రుండును గొండమాం బాగర్భవారాశిచంద్రుండునునగు నయ్యలరాజు నారాయణామాత్యదే వేంద్రుండు గొండొకశుభవాసరంబున నత్యంతసంతోషితాంతఃకరణుండై.

⁠ 16