పుట:హంసవింశతి.pdf/81

వికీసోర్స్ నుండి
ఈ పుట ఆమోదించబడ్డది

శ్రీ

హంసవింశతి

అవతారిక

శ్రీరామస్తుతి


శా.

శ్రీరామాంశజయైన జానకి యురస్సీమాంతరాత్యంతవి
స్తారప్రోజ్జ్వలహారనాయకమణీసందర్శితంబౌ నిజా
కారం బరసి యన్యకాంత యను శంకం జెందు నంచెంచి త
న్నారీరత్నము నంకపీఠి నిడు సీతాభర్త నన్ బ్రోవుతన్.

1


సీతాస్తుతి

చ.

తనకిది కేశిపద్మమయి తద్దయుఁ బద్దు వహించి తొల్లి లో
చన ముఖ హస్త పాదయుగ సామ్యముఁ జెంది సుగంధసంపదన్
దనరఁ దొడంగె నిప్పుడని తా దయమీఱఁగఁ జేతఁ బట్టెనో
యన వనజాతపాణియగునట్టి మహీసుత మమ్ముఁ బ్రోవుతన్.

2


పార్వతీపరమేశ్వర స్తుతి


క.

యమునాగంగాఝరసం
గమవిభ్రమ మాత్మసేవకప్రవితతికిన్
దమ రుచులిడ నెడయక లో
కము లేలు భవాని శివుఁడు గడు మముఁ బ్రోచున్.

3