పుట:సౌగంధిక ప్రసవాపహరణము.pdf/53

వికీసోర్స్ నుండి
ఈ పుట ఆమోదించబడ్డది

8

సౌగంధిక ప్రసవాపహరణము

యిరువంద నాదిగర్భేశ్వరభవ్య
బిరుదాంకునకు లింగపృథినీశ్వరునకు
సరసచమత్కార చాతుర్యనీతి
విమలతత్త్వజ్ఞానవిభవంబు లొసఁగి
కొమరొందు కృతినాయకునిఁ జేయుఁగాత,
అని పయోరుహకైరవాప్తలోచనుని
వనజాసనాది గీర్వాణమాణిక్య
మకుటకోటి ప్రభామండిత మృదుల
వికసిత పాదారవిందు ముకుందు
వర్ణించి సేవించి వరహిమశైల
వర్ణుని గజరాజవదనుని నేక
దంతుని శంభునందనుని గీర్తించి
సంతతకరుణారసస్వచ్ఛహృదయ
సకలవేదపురాణశాస్త్రాధికారు
వికటమహోద్దండవేదండసింహు
నరుదైన బ్రహ్మరథారోహణాఢ్యు
చిరతరకీర్తి దేశికచక్రవర్తి
రంగనాయక పాదరాజీవయుగ్మ