ఈ పుట ఆమోదించబడ్డది
380
సౌగంధిక ప్రసవాపహరణము
వలనొప్ప బహువైభవంబులతోడ
ఘనతరాత్యంతవేగంబున గదిలి
చనియె నుద్భటవృత్తి జలజలోచనుఁడు
కదనరంగమునకుఁ గమలలోచనుని
గదలించి పొదలుచు గ్రక్కున నపుడు
కలహభోజనమౌని కైలాటకాఁడు
నారదుఁడు కైలాసమున కరుగుట
తులకించు బొజ్జ చిందులు ద్రొక్క నేఁగి
యన్ని దిక్కులయందు ననవరతంబు
వెన్నెల నిండార వెదచల్లుదాని
ఘోరకామ క్రోధకుటిలమాత్సర్య
భూరిపాపౌఘముల్ పోఁద్రోలుదాని
చారుసౌభాగ్యముల్ సమకూర్చుదాని
తారాచలము గాంచి తగ వినుతించి
యమ్మహాగిరి నెక్కి యందంద నిండు
కమ్మని వాసనల్ గ్రమ్ము మందార
వనముల దాటి భవ్యవినూత్నరత్న
