ఈ పుట ఆమోదించబడ్డది
306
సౌగంధిక ప్రసవాపహరణము
వల నొప్పఁగా రాచవారము మేము 1985
కలనైన విరుగడ గాన మోయయ్య
తొలఁగక నీసేనతోఁ గూడ నిన్ను
కళవళపఱచి చీకాకుగాఁ దరిమి
వూనికమీర మీపురము గన్గొనక
నే నెందుబోయెద నిటు చూడు మనుచు 1990
కొదకక కాలాంతకునిలీల నార్చి
గద ద్రిప్పుచును మహోగ్రతవచ్చుచుండ
నలకూబరుఁడు వాయునందనుమీఁద
నలుకమై కమలభవాంశుగం బేసె
నేసిన నది పటుహేరాళభాసు 1995
భాసురపానక ప్రతిభాసమాన
మగుచు పంకేజభవాండముల్ నిండి
తెగువతోఁ గూడి యేతెంచు నవ్వేళ
కని యర్జునుఁడు పంకజభవాస్త్రంబు
ధనువునఁ బూని మంత్రయుతంబుగాఁగ 2000
కడకతో సేసిన ఘనసాయకములు
తడవు బోరాడి యంతట శాంతి బొందె
