పుట:సౌగంధిక ప్రసవాపహరణము.pdf/305

వికీసోర్స్ నుండి
ఈ పుట ఆమోదించబడ్డది

264

సౌగంధిక ప్రసవాపహరణము

ఖ్యాతికి నెక్కుసంగరభూమిగాని
తాతయ్య మాయజూదంబులు గావు:
వలనొప్ప ఘోరాహవస్థలి గాని
చలపట్టి పోర నీచావడి గాదు,
పొలుపొందు ఘనశరంబులుగాని నీవు
పలికిన ట్లనె బడ బాచిక ల్గావు
నలువంద దానవనాయకు ల్గాని
బలుమాయలను జన్న పాండవు ల్గారు;
పోకు పో కిట యెందుఁ బోయిన నిన్ను
చీకాకుపరచక చేగాచి విడువ,
నని పల్కి ఘోరదివ్యాస్త్రంబుఁ దొడిగి
గొనుఁగొని రథముపై గూల వేయుటయు
గనుఁగొని గురుఁడు గంగానందనుండు
కవలి మిక్కిలి ఘటోత్కచునిపై దాకి
విలు ద్రుంచి యరదంబు వికలము ల్చేసి
చలమున హయముల సారథిఁదునిమి
ఘనతరదివ్యమార్గణములు చొనిపి
దనుజేంద్రు దేహ మంతటను నించుటయును