ఈ పుట ఆమోదించబడ్డది
ద్వితీయాశ్వాసము
263
దురమున నను డాసి తొడరలేవేని 1245
కరివురిపై యాస గదలించి చనుము;
అనుచు నుల్లాసంబు లా రాజు నాడి
వనజా ప్తసుతుని భూవరుసహోదరుని
ఇలమీఁదఁబడిరేని యీల్గుదు రనుచు
నులుకుచుఁ బట్టి వేఱొకచోట నునిచి 1250
శకునిపై దూరి నిశాతబాణముల
వికలంబు చేసిన వెన్ని చ్చుటయును
ఘాతచే నదలించి గర్జించి గోర్చి
నీతిగా దిది నీకు నృపతి చూడంగ
పోదువా? వెన్నిచ్చి పోరిలో నిటుల! 1255
నేదిక్కు నేఁగిన నేల పోనిత్తు
ఆనాఁడు బలుసహాయంబు చేసితిని
యీనాఁడు నినుఁ జావ నిచ్చునె రాజు!
అదిగాక నీకు మేనల్లుఁడు విభుఁడు
కదనంబులో నిన్ను! గావఁగా లేఁడె! 1260
పిలువుము యోధుల పిలువు రారాజు
దలవుము నీకులదైవంబు నిపుడె
