ఈ పుట ఆమోదించబడ్డది
ద్వితీయాశ్వాసము
217
పరువడి గరుడులు పదియారుకోట్లు 495
ధరణి గంపింప నుద్దండత నడువ
దనుజు లిర్వదికోట్లు దర్పము ల్మెరసి
కినిసి కయ్యమునకు గేరుచు నడువ
వరచతుర్ధంతు లిర్వదిరెండు లక్ష
లురుమదారూడి మహోద్వృత్తి గదలి 500
కాటుకకొండల కరణి శోభిల్ల
మేటి తరు ల్లెక్కమీరి యేతేర
జవన సైంధవముల సంఖ్యలు మించి
భువి తల్లడిల్ల నద్భుతముగా నేగ
విలసిల్లు కయ్యంపు వేడ్క బెక్కండ్రు 505
మలయుచు యక్షుకుమారకు ల్నడువ
పదరుచు మొనల నేర్పరచుచు లక్ష
పదివేలు సేనాధిపతులువే జనఁగ
గొడుగులు పడగలు కోటులు మించి
కడువడి వెనువెంట గ్రమ్ముకురాఁగ 510
గంభీర భేరికా కాహళధ్వనులు
కుంభినీగగనము ల్ఘూర్ణిల్లి నిండ