పుట:సౌగంధిక ప్రసవాపహరణము.pdf/255

వికీసోర్స్ నుండి
ఈ పుట ఆమోదించబడ్డది

214

సౌగంధిక ప్రసవాపహరణము

యని సారె సారెకు నదలుచుఁ దెలుప
విని ధనాధీశుఁడు విస్మయమొంది
కనుగవ మిణుగుర్లు గ్రమ్మ ని ట్లనియె,
వింటిరే! యిటువంటివింత లెం దైన!
కంటి రే! యెవరైన గణకతో మున్ను
విన్న కన్నదిగాదు వివరించిచూడ!
కిన్నరగంధర్వగీర్వాణసిద్ధ
పన్నగదై! తేయ పాలకులైన
నన్నుఁ జెన్కఁగ లేరు నరుఁ డొక్కఁడంట
దేవతాభూమి కేతెంచినా డంట!
కావరంబున యోధగణములఁ గూల్చి
గొనకొని కమలము ల్గొని చనె నంట!
కనఁగ నీవార్త నిక్కం బనఁదగునె!
యని బిట్టుగా నట్టహాసంబు చేసి
ఘనయక్షనాథులఁ గనుఁగొన నపుడు
నలు వగ్గలించి యానలకూబరుండు