ఈ పుట ఆమోదించబడ్డది
ద్వితీయాశ్వాసము
211
సమదేభకోటులఁ జలమునఁ జంపి
వంతుకు నెక్క మావంతుల జెండి
పంతంబుతో సైన్యపతుల నుగ్గాడి400
పేరైన రథికులపీచంబు లడచి
ఘోరదానవయక్షకోటులనెల్ల
హరిణంపుగుంపుల సదలించి గదుము
హరికిశోరము లీల నార్చి తోలుటయుఁ;
గలఁగె నేనుఁగులు చీకా కయ్యె బలము405
బొరిసిరి దొరలు చప్పుడు మానె హరులు
నరదము ల్బొడియయ్యె హతు లైరి రథికు
లరిమురి గూలె మహాయోధకోటి;
అంతటఁ బోక రౌద్రావేశుఁ డగుచుఁ
గుంతీతనూజుండు కులిశ బాణమున410
నాహవస్థలి హాటకాక్షునిఁ ద్రుంచి
సాహసు నుత్తమోజ్వలు గంధవాహు
శరమున వధియించి జలధ రాస్త్రమున
ధరచిత్రరథుఁ గూల్చి దర్పంబు మెరసి
కనలి జంబీరు పైఁ గవిసి కేతనము 415
