ఈ పుట ఆమోదించబడ్డది
138
సౌగంధిక ప్రసవాపహరణము
అన్న సంగరశూర హాసుకుమార
చిన్నన్న నా కిన్ని చెప్ప నేమిటికి
అపజయశకునంబు లయ్యెడి నిపుడు
విపరీతములు పుట్టె వినువీథియందు
మది తల్లడము నొందె మక్కుప దొలఁగె
నిదె చూడు మెడమక న్నీగగొట్టెడిని
నాపతి నాదాత నాపట్టుగొమ్మ
నా పెన్ని ధానంబు నాప్రాణవిభుఁడు
నాకూర్చుచెలికాడు నాకొంగుపసిఁడి
నాకోర్కె చెల్లించు నాకూర్మి మగఁడు
భీముఁడు రిపురాజభీముఁడు సుగుణ
ధాముఁడు పటుబలోద్ధాముఁడు ఘనుఁడు
ఆయుధహీనుఁడై యడలుచు సర్వ
కాయమంతయు సంపగమి-గాడి వెడలి
పచ్చిగాయంబుల బహుళరక్తములు
విచ్చలవిడిఁ బార వెక్కసపడుచు
పొదరుచు పడరుచు బొబ్బరించుచును
నెదుట నిల్చినలీల లెసఁగెడి నిపుడు
