సూతపురాణము.
ఉ. శిష్టులఁగూడి మంతనముఁ ♦ జేసి, పరాకిసుమంతలేక సం
తుష్టినిబొంది యంత తమ ♦ తోయమువారికిఁజెప్పి పుత్రకా
మేష్టినొనర్చి బిడ్డలను ♦ నెట్టులొ కాంచెదనంచుఁ గార్య సం
సృష్టమనంబునన్ బలికి ♦ చెచ్చెరదీక్షితుఁడై పునీతుఁడై . 358
ఉ. హోతలు ఋక్కులం జదువు ♦ చుండఁగ మిక్కిలి శ్రద్ధతోడను
ద్గాతలు సామవేదమును ♦ గానముసేయ మనోహరంబుగా
బ్రాతిగ యాజ్ఞికుల్ సకల ♦ వస్తువులన్ సమకూర్చుచుండఁ బ్ర
ఖ్యాతిగ యజ్ఞగుండ సము ♦ ఖంబున భూమిపుఁడుండి దేవితో. 359
గీ. సమిధలనువేసి యజ్ఞ గుం ♦ డమున మివుల
నాజ్యమునుబోసి యగ్ని చ ♦ ల్లారకుండ
వ్రేల్చుచుండెను ద్రుపద పృ ♦ ధ్వీవరుండు
భార్యతోఁబాటు పరవశ ♦ త్వమునఁజేసి. 360
గీ. యజ్ఞ ధూమంబు దిశలెల్ల ♦ నావరింప
యజ్ఞగుండంబు మంటతో ♦ నావళింపఁ
జెవులు చిల్లులుపడుచుండఁ ♦ జెప్పఁదొడగి
రఖిలమంత్రంబు లొప్పుగా ♦ నచటిమునులు. 361
కం. ముగిసీ ముగియకమునుపే
బగబగ నవనాగ్ని యన్ని ♦ వైపులఁ బర్వెన్
సెగచే మొగములు మొగిడెన్
బొగచేఁ బ్రజ కన్నుదోయి ♦ మూతలుపడియెన్. 362
82
